თეა წულუკიანის ყოფილი მოადგილე სანდრო ბარამიძე „თავისუფალი დემოკრატების" წევრი გახდა. ამის შესახებ განცხადებას პარტია „თავისუფალი დემოკრატები" ავრცელებს.
„უმაღლესი კვალიფიკაციის იურისტი, დემოკრატიული ფასეულობების, ადამიანის უფლებებისა და თავისუფლებების სიღრმისეულად მცოდნე და ჭეშმარიტი დამცველი" - ასე აფასებენ „თავისუფალი დემოკრატები" ბარამიძეს და აღნიშნავენ, რომ მასთან ღირებულებითი თავსებადობა და ბიოგრაფიული მსგავსება აერთიანებთ.
„ჩვენთვის ერთნაირად მიუღებელი გახდა წინა ხელისუფლების ძალმომრეობა საკუთარ მოქალაქეებზე და „თავისუფალმა დემოკრატებმა“, როგორც პოლიტიკურმა ძალამ, ხოლო სანდრო ბარამიძემ, როგორც კვალიფიციურმა სპეციალისტმა და პრინციპულმა პიროვნებამ, კოალიცია „ქართული ოცნების“ რიგებში გაერთიანებულებმა, ჩვენ ჩვენი წვლილი შევიტანეთ სამართლის გზას აცდენილი ხელისუფლების მშვიდობიანად შეცვლაში. მაგრამ, როდესაც ნათელი გახდა, რომ „ქართული ოცნების“ ხელისუფლებამაც გადაუხვია დემოკრატიული და სამართლებრივი სახელმწიფოს შენების გზას, „თავისუფალმა დემოკრატებმა“ შედარებით ადრე, ხოლო სანდრო ბარამიძემ ცოტა მოგვიანებით, უარი ვთქვით ხელისუფლებაში ყოფნაზე და არადემოკრატიული ხელისუფლების ოპონირებით გადავწყვიტეთ ჩვენს ქვეყანაში დემოკრატიის სამსახურში დარჩენა" - ნათქვამია განცხადებაში.
ივნისში ცნობილი გახდა, რომ ბარამიძე იუსტიციის მინისტრის მოადგილის თანამდებობას აღარ დაიკავებდა.
ალექსანდრე ბარამიძემ იუსტიციის მინისტრის მოადგილის თანამდებობა დატოვა
