„ადეიშვილი დაბრუნდა მთავრობაში? რამე გამომრჩა? თუ ეს ხალხი დაამტკიცა პარლამენტმა, თანაც უვადოდ, სასამართლო მონსტრების კორპორაციად საბოლოოდ გაფორმდება" - წერს Facebook-ის პირად გვერდზე „ევროპული საქართველოს" გენერალური მდივანი გიგი უგულავა. 

მისი თქმით, აღარც ბიძინა იქნება, აღარც მიშა, არც გრიშა და არც გიგი, ეს მონსტრები კი შთამომავლობას გააწამებენ.

„ამისთვის ითხოვა ივანიშვილმა ერთი წელი!? „ოცნება", ძველი გვარდია, გაიღვიძეთ დეპოში ხართ", - აღნიშნავს უფულავა.

დღეს იუსტიციის უმაღლესმა საბჭომ უზენაესი სასამართლოს უვადო მოსამართლეობის კანდიდატად მიხეილ ჩინჩალაძე და კიდევ 9 პირი წარადგინა. 

საქართველოს კონსტიტუციის ახალი რედაქციის თანახმად, უზენაესი სასამართლოს მოსამართლეობის კანდიდატებს იუსტიციის უმაღლესი საბჭო პარლამენტს დასამტკიცებლად წარუდგენს. კანონმდებლობით უზენაესი სასამართლოს მოსამართლეტა რაოდენობა 28 წევრით განისაზღვრა. ამჯამად 18 თანამდებობა ვაკანტურია.