საქართველოს ენერგეტიკისა და წყალმომარაგების მარეგულირებელი კომისიის გადაწყვეტილებით, თბილისში ბუნებრივი გაზის ტარიფი 0.014 თეთრით მცირდება.
ბუნებრივ აირზე თბილისში მოქმედი სამომხმარებლო ტარიფი 46.153 თეთრია. დღეს მიღებული გადაწყვეტილებით 1 იანვრიდან დედაქალაქში სამომხმარებლო ტარიფი 1 კუბურ მეტრზე 46.139 თეთრი იქნება. აღნიშნული ტარიფი 2019 წლის 31 დეკემბრამდე შენარჩუნდება და შპს „ყაზტრანსგაზ თბილისის“ აბონენტებს შეეხება.
დღეს, 26 დეკემბერს სემეკი მსჯელობდა შპს „ყაზტრანსგაზ თბილისისთვის“, შპს „სოკარ ჯორჯია გაზისთვის“ და სს „საქორგგაზისთვის“ ბუნებრივი გაზის მიწოდების, განაწილების, გატარების და მოხმარების 2019 წლის ტარიფების დადგენის შესახებ.