6 იანვარს მსოფლიო პატრიარქმა ბართლომეოსმა უკრაინის ეკლესიის მეთაურს, მიტროპოლიტ ეპიფანეს უკრაინის ეკლესიის ავტოკეფალიის შესახებ ტომოსი გადასცა.
უკრაინის ეკლესიისთვის ავტოკეფალიის მინიჭებასთან დაკავშირებით, საქართველოს საპატრიარქოს ოფიციალური პოზიცია არ დაუფიქსირებია.
ჭყონდიდის მიტროპოლიტი პეტრე ამბობს, რომ ამ გადაწყვეტილებასთან დაკავშირებით, წმინდა სინოდის სხდომა დროულად უნდა გაიმართოს, სადაც საქართველოს ეკლესია ღირსეული გადაწყვეტილების მისაღებად იმსჯელებს. ამის შესახებ მან ტელეკომპანია „რუსთავის 2-ის“ ეთერში ისაუბრა.
„სიმართლე იზეიმებს, რამეთუ ღვთის ხელი ურევია ამაში და უკრაინელი ხალხის ნებაში არის ნება ღვთისა, მე ასე ვფიქრობ. ბოლო სინოდის სხდომაზე ლოგიკური პოზიცია ჰქონდა საქართველოს ეკლესიას, ვინაიდან ტომოსი ჯერ არ იყო გადაცემული და გამოქვეყნებული. ახლა, კი ვისურვებდი, რაც შეიძლება მალე იქნეს მოწვეული მომავალი სინოდის სხდომა და საქართველოს ეკლესიამ ღირსეული გადაწყვეტილების დროულად მისაღებად იმსჯელოს, რომელსაც ჩვენ, საბოლოოდ, ვერც ჩვენ დ ვერც მართლმადიდებელი სამყარო ვერ აუვლის გვერდს“, - აცხადებს მიტროპოლიტი პეტრე.
