დეკანოზ ანდრია ჯაღმაიძის თქმით, სინოდის სხდომის გამართვის თარიღი უცნობია და გადაწყვეტილება სხდომის დანიშვნაზე პატრიარქმა უნდა მიიღოს. ამის შესახებ ანდრია ჯაღმაიძემ "ლიბერალს" განუცხადა.
6 იანვარს მსოფლიო პატრიარქმა ბართლომეოსმა უკრაინის ეკლესიის მეთაურს, მიტროპოლიტ ეპიფანეს უკრაინის ეკლესიის ავტოკეფალიის შესახებ ტომოსი გადასცა.
მსოფლიო პატრიარქი ბართლომე ავტოკეფალური ეკლესიის პატრიარქებსა და მთავარეპისკოპოსებს მოუწოდებს, ცნონ უკრაინის ეკლესიის ავტოკეფალია.
ტომოსის გადაცემის შემდეგ საქართველოს საპატრიარქოს უკრაინის ეკლესიის ავტოკეფალიის საკითხზე ოფიციალური პოზიცია არ დაუფიქსირებია.
მიტროპოლიტმა პეტრემ გუშინ „რუსთავი 2-თან“ საუბრისას განაცხადა, რომ ამ გადაწყვეტილებასთან დაკავშირებით, წმინდა სინოდის სხდომა დროულად უნდა გაიმართოს, სადაც საქართველოს ეკლესია ღირსეული გადაწყვეტილების მისაღებად იმსჯელებს
27 დეკემბერს გამართული სინოდის სხდომის დასრულების შემდეგ წილკნისა და დუშეთის მიტროპოლიტმა ზოსიმემ განაცხადა, რომ უკრაინის ეკლესიის ავტოკეფალიის საკითხზე გადაწყვეტილებას იანვარში მსოფლიო პატრიარქის დადგენილების გამოქვეყნების შემდეგ მიიღებს.
27 დეკემბერს სინოდის სხდომის დასრულების შემდეგ კითხვაზე, უჭერენ თუ არა მხარს უკრაინის ეკლესიის ავტოკეფალიას, მეუფე ზოსიზემ განაცხადა: "საქართველოს ეკლესია უჭერს მხარს".
