დაავადებათა კონტროლის ცენტრის ხელმძღვანელის, ამირან გამყრელიძის თქმით, საქართველოსთვის ეპიდემიური ზღვრად მიიჩნევა, როცა ავადობის გავრცელება ასი ათას მოსახლეზე 450 - 500 შემთხვევას აღემატება. 

მისი თქმით, დეკემბერის ბოლო კვირაში ავადობის მაჩვენებელი ასი ათას მოსახლეზე 227 იყო, იანვრის პირველ კვირაში კი 256-ია. 

რაც შეეხება სკოლებსა და ბაღებში სწავლის გადავადებაზე დასმულ კითხვას, მან გვიპასუხა, რომ "ამ კვირის განმავლობაში დავაკვირდებით, რა მდგომარეობა იქნება და შემდგომ ჯანდაცვის სამინისტრო და განათლების სამინისტრო ერთობლივ გადაწყვეტილებას მიიღებენ".

დღეს დაავადებათა კონტროლის ეროვნულმა ცენტრმა 2009 წლიდან დღემდე საქართველოში  გრიპის ვირუსის ტიპისა და ქვეტიპის, ILI-სა და SARI-ის გავრცელების შესახებ ინფორმაცია გამოაქვეყნა. 

სადაც ჩანს, რომ გრიპის დაავადების ინციდენტობა 100 000 მოსახლეზე ყველაზე მაღალი 2009 - 2010 წლებში იყო, მაშინ ის 1800-მდე აღწევდა. ამავე წლებში დადასტურებული ლეტალური შემთხვევების რაოდენობაც ყველაზე მაღალი იყო. 

ვრცლად ინფორმაცია გრიპისმაგვარი ვირუსების გავრცელებაზე იხილეთ ამ ბმულზე.