საპარლამენტო უმრავლესობის წევრის, ზაქარია ქუცნაშვილის თქმით, „ქართული ოცნებისთვის“ პრობლემას არ წარმოადგენს უმრავლესობიდან 10, 20 და თუნდაც 30 დეპუტატის გასვლა, რადგან ისინი მაინც უმრავლესობაში იქნებიან. მისივე თქმით, ეს სასიამოვნო არ არის, მაგრამ არც ტრაგიკულია. ქუცნაშვილმა ამის შესახებ „პალიტრანიუსის“ ეთერში ისაუბრა. 

„პოლიტიკური შედეგების თვალსაზრისით, დღეს უკვე „ქართული ოცნებისთვის“ პრობლემას არ წარმოადგენს უმრავლესობიდან თუნდაც 10, თუნდაც 20, თუნდაც 30 დეპუტატის გასვლა, ეს პრობლემას არ წარმოადგენს. ის მაინც უმრავლესობაში იქნება და მეორე მხრივ, პოლიტიკა ხომ მკაცრი კანონების სამყაროა, სადაც ინტერესები პრევალირებს და არა, ხშირ შემთხვევაში, სამართლიანობა და ობიექტურობა. წარმატებული მართვა სწორედ იქ არის, სადაც შეძლებ, რომ სამართლიანობა და ობიექტურობა დაამთხვიო ინტერესებს და არა პირიქით, ინტერესების ქვეშ მოაქციო სამართლიანობისა და ობიექტურობა. ასე რომ, ოცნებისთვის დღეს ტრაგედიას არ წარმოადგენს, არც 10, არც 20 დეპუტატის დაკარგვა. სასიამოვნო არ არის, მაგრამ არც ტრაგიკული არ არის“, - თქვა ქუცნაშვილმა. 

 ”