დიდი ბრიტანეთის პრემიერ-მინისტრი ტერეზა მეი უნდობლობის გამოცხადებას გადაურჩა - 325 ხმა 306-ის წინააღმდეგ. 

მეის მთავრობის უნდობლობის საკითხი მას შემდეგ დადგა, რაც 15 იანვარს ბრექსიტის შეთანხმება პარლამენტმა ჩააგდო (432 წინააღმდეგი, 202 მომხრე). 

„მე გავაგრძელებ მუშაობას რეფერენდუმის შედეგების აღსრულებასა და ევროკავშირიდან გამოსვლაზე“, - განაცხადა მეიმ. 

BBC-ის ცნობით, პრემიერმა ყველა პარტიის ლიდერი მიიწვია ინდივიდუალურ შეხვედრაზე „ბრექსიტის“ საკითხის განსახილველად.

„ჩვენ უნდა ვიპოვოთ პრობლემის გადაჭრის ისეთი გზები, რომელიც ურთიერთდათმობაზე იქნება დამყარებული“, - დასძინა მეიმ.