საქართველოს საგარეო საქმეთა მინისტრი დავით ზალკალიანი Twitter-ზე მიესალმა ვენესუელის შუალედურ პრეზიდენტად ქვეყნის ეროვნული ასამბლეის სპიკერის ცნობას. 

„მას შემდეგ, რაც  ვენესუელაში ჩატარებული საპრეზიდენტო არჩევნების არაღიარების შესახებ განცხადება გავაკეთეთ,  საქართველო ვენესუელის შუალედურ პრეზიდენტად ხუან გუაიდოს ცნობს, მიესალმება ჩვენი პარტნიორების განცხადებებს  და მხარს უჭერს ვენესუელელი ხალხის ბრძოლას თავისუფლებისა და დემოკრატიისთვის", - წერს ზალკალიანი. 

ხუან გუაიდო ვენესუელის დროებით პრეზიდენტად ცნეს ამერიკის შეერთებულმა შტატებმა, კანადამ, ბრაზილიამ, არგენტინამ, კოლუმბიამ, პერუმ, პარაგვაიმ, ეკვადორმა, კოსტა-რიკამ, გვატემალამ.

ვენესუელის პრეზიდენტი ნოკოლას მადურო, რომლის ინაუგურაციაზეც საქართველოს ოკუპირებული რეგიონების ლიდერები ესწრებოდნენ, აშშ-ის სახელმწიფო გადატრიალებაში ადანაშაულებს. მან ამერიკის დიპლომატებს ქვეყნის დასატოვებლად 3-დღიანი ვადა მისცა. 

Following the statement on non-recognition of the results of the Presidential elections held in #Venezuela, Georgia recognizes @jguaido as an Interim President, welcomes statements of our partners&supports citizens of VEN in their fight 4 freedom&democracy https://t.co/flDWfICi3K

— David Zalkaliani (@DZalkaliani) January 23, 2019