პოლიტპატიმრის სტატუსით გათავისუფლებული მელორ ვაჩნაძე გერმანიაში დააკავეს.
ამის შესახებ ინფორმაცია „ლიბერალს“ შსს-ში დაუდასტურეს. უწყებაში ამბობენ, რომ გერმანულმა მხარემ მელორ ვაჩნაძის დაკავების შესახებ მათ უკვე აცნობა, თუმცა შსს-ში არ ამბობენ, თუ რა ბრალდებით დააკავეს მელორ ვაჩნაძე.
მედიაში გავრცელებული ინფორმაციით, მელორ ვაჩნაძე გერმანიაში ქურდობისთვის დააკავეს.
ამ ინფორმაციას facebook-ის პირად გვერდზე მოგვიანებით გამოეხმაურა მელორ ვაჩნეძე, რომელიც განმარტავს, რომ დააკავეს, თუმცა მისიგანმარტებით მიზეზი ის იყო, რომ პასპორტი თან არ ჰქონდა.
„მართლა დამაკავეს ოღონდ კონტროლზე და პასპორტი დამრჩა (ნინის ჩანთაში რომელიც კაფეში იყო კატოსთან ერთად, ჩემგან 100 მეტრში) მიუხედავად იმისა რომ ID ბარათი მედო საფულეში მაინც ამის გამო 12.13.14.15 იანვრის დღეები მაყურყუტეს პოლიციაში არც 100 მეტრაში მყოფი ოჯახთან მიმიყვანეს და ნუ მილიონი დაკითხვა მომიწყეს თითქოს ვერ გაიგეს ვინ ვიყავი და მეუბნებოდნენ ყველა *ქართველი კრიმინალიაო*, რის გამოც სულ კაიზერის და გიტლერის დედა გავახსენე)))) ყოველგვარი დაკავების მიზეზის ახსნა განმარტების გარეშე გამომიშვეს სასამართლოდან 15 იანვარს, იქ მოსამართლემ კი მითხრა რუსი თარჯიმნის საშუალებით (თუ სწორად მითარგმნა) რომ ნახეს ვინც ვარ უპასპორტობაზე 500 evro ჯარიმას მაკისრებს და ორი თვეა ტურისტის სტატუსით ვარ გერმანიაში მადლობაც მომიხადა რომ მატარებლის ჯარიმაც კი არ ამომივარდა 2 თვის განმავლობაში და დროა სხვაგან წავიდე, მე განვუცხადე რომ უკანონო გადაწყვეტილება გამოიტანა ვინაიდან პოლიციელებს შეეძლოთ ასი მეტრი გამომყოლოდნენ სადაც ჩემი მეღლე და შვილი სადილობდა იქ ვანახებდი პასპორტს,თან მქონდა ID ბარათი, სამი დღის განმავლობაში არც თარჯიმანი მომიყვანეს, არც ადვოკატი მომიყვანეს, ამიტომ ას უკანონო გადაწყვეტილებაა ვუთხარი და გავასაჩივრებ მეთქი“,- წერს მელორ ვაჩნაძე.
