ბათუმში, წერეთლის ქუჩაზე გვიან ღამით გარემოვაჭრეების დახლები აიღეს. დემონტაჟს უკმაყოფილება მოჰყვა გარემოვაჭრეების მხრიდან. დახლების დემონტაჟი ხმაურისა და დაძაბულობის ფონზე მიმდინარეობდა. გარემოვაჭრეები დღეს ბათუმის მერიასთან აქციას მართავენ. მათი თქმით, ისინი ვაჭრობის აკრძალვით შემოსავლის ერთადერთ წყაროს კარგავენ.
ბათუმის მერიის განცხადებით, გარემოვაჭრეებს საშუალება ექნებათ თავიანთი საქმიანობა მაიაკოვსკის ქუჩაზე მდებარე ავტოსადგურის ტერიტორიაზე გააგრძელონ, სადაც მათთვის 180 დახლია გამოყოფილი. მათი ცნობით, გარემოვაჭრეების ნაწილმა უკვე დაიწყო ახალ ლოკაციაზე საქმიანობა.
მერიაში ამბობენ, რომ ქაოტურად მოწყობილი უკანონო გარევაჭრობა მუდმივად იწვევდა სატრანსპორტო მოძრაობის გადატვირთვასა და ანტისანიტარიას, რაც წერეთლის ქუჩაზე მცხოვრებ მოსახლეობას პრობლემებს უქმნიდა.
ვიდეო: ჰეშთეგი;
ფოტო: გიორგი არობელიძე;