„არაფერს არ გამოვრიცხავ... მე ვთვლი, რომ მას [ეკა ბესელიას] ხელს აძლევს შექმნილი სიტუაცია, პოლიტიკური თვალსაზრისით" - ამის შესახებ ქუთაისის სააპელაციო სასამართლოს თავმჯდომარემ, დიმიტრი გვრიტიშვილმა გუშინ გადაცემა „არჩევანში" ისაუბრა.
იგი ამბობს, რომ მისთვის მიუღებელია განცხადებები, რომ თითქოს, ეკა ბესელიას პირადი ცხოვრების ამსახველი კადრების გავრცელება მოსამართლეების ინტერესებში შედიოდა და ეს პარლამენტში გაგზავნილი 10-კაციანი სიის ჩაგდების გამო შურისძიება იყო
„ეს არის სამარცხვინო პოზიცია ორივე მათგანის მხრიდან. ჭიჭინაძემ, ფაქტობრივად, გამოიშვირა ხელი სასამართლოსკენ და ამბობს, რომ, თურმე, ეს არის შურისძიება მოსამართლეთა მხრიდან. ძველი რომაელები ამბობდნენ, რომ როდესაც გსურს, გაერკვე მოვლენათა თანმიმდევრობაში, უნდა დასვა შეკითხვა, დამდგარი შედეგი ვისთვის არის ხელსაყრელი. ეს ფაქტი, თვითონ ამ ჩანაწერების გავრცელების, რაღაც საეჭვოდ დაემთხვა ბოლო პოლიტიკურ პროცესებს, როდესაც გარკვეულმა ჯგუფმა, ეკა ბესელიას ხელმძღვანელობით, მოინდომა რაღაც წამებულის მანტიის მოსხმა, თავისი ნიშნის დამკვიდრება პოლიტიკაში და ეს რატომღაც დაუკავშირდა მოსამართლეების თემას. არადა, იყო ინფორმაციები, რომ ქალბატონი ეკა ბესელია უნდა გადამდგარიყო მანამდეც,“ - განაცხადა გვრიტიშვილმა.
