თბილისის საჯარო ბაგა-ბაღის აღმზრდელი ნარკოდანაშაულის ბრალდებით დააკავეს.
„შინაგან საქმეთა სამინისტრომ ნარკოდანაშაულისთვის - 1975 წელს დაბადებული მ.რ. დააკავა. ცენტრალური კრიმინალური პოლიციის დეპარტამენტის თანამშრომლებმა თბილისში, დაკავებულის მიერ მითითებული სამალავიდან, განსაკუთრებით დიდი ოდენობით ნარკოტიკი - “ბუპრენორფინის” შემცველი 130 აბი “სუბოტექსი” ნივთმტკიცებად ამოიღეს“,- აცხადებენ შსს-ში.
მათივე ცნობით, საქმეზე გამოძიება სისხლის სამართლის კოდექსის 260-ე მუხლის მე-6 ნაწილის "ა" ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვას გულისხმობს. ეს მუხლი 8-დან 20 წლამდე ან უვადო პატიმრობას ითვალისწინებს.
