გიორგი ქადაგიძე ილიას ბიზნესსკოლის დეკანის თანამდებობიდან გადააყენეს - ამის შესახებ საქართველოს ეროვნული ბანკის ყოფილმა პრეზიდენტმა, გიორგი ქადაგიძემ საკუთარ Facebook გვერდზე დაწერა. ქადაგიძე ამბობს, რომ ქვეყნის დატოვება ერთ კვირით მოუწია, დაბრუნებულს კი უნივერსიტეტის ადმინისტრაციამ ამცნო, რომ დეკანის თანამდებობიდან რეორგანიზაციის გამო გადააყენეს.
„მიზეზი ძალიან მარტივი და ამავე დროს ფუნდამენტურია. მისი სახელია ცვლილებების შიში და ძირეული სიახლეების მიუღებლობა. არადა სწორედ რომ სიახლეების და რეალური რეფორმების დაგვიანების ფასს ყოველწლიურად ჩვენი ათასობით სტუდენტი იხდის.
ცხადია, ეს ამბავი ჩემთვის მხოლოდ ახლა იწყება. მეტის დაწერა, სამწუხაროდ, პირადი მიზეზების გამო არ შემიძლია, მაგრამ ორშაბათიდან ყველაფერი იქნება საჯარო.
მანამდე კი, ვისაც ეს თემა მართლაც აღელვებს და აინტერესებს, ვდებ რამდენიმე კვირის წინ აკადემიური საბჭოსთვის მიწერილ წერილს რომელიც ე.წ. რეორგანიზაციის მიზეზს ნათელს ხდის" - წერს ქადაგიძე.
უნივერსიტეტში მიმდინარე პროცესებზე განმარტება ილიაუნის რექტორმა, გიგა ზედანიამ გააკეთა, რომელიც ქადაგიძის განცხადებას Facebook-ზე გამოეხმაურა:
