პრემიერ-მინისტრმა, მამუკა ბახტაძემ მთავრობის სხდომის დაწყებამდე ბრიფინგი გამართა. ის თავის გამოსვლაში პირადი ცხოვრების შესახებ ფარული ჩანაწერების გავრცელების საკითხს შეეხო.
„კატეგორიულად ვგმობ ადამიანის პირადი სივრცის ხელყოფას, მის ნებისიერ გამოვლინებას, ეს არის უმძიმესი დანაშაული, რომელსაც გაეცემა პასუხი. ჩვენი ხელისუფლება ყველაფერს გააკეთებს, რომ, მიუხედავად მძიმე მემკვიდრეობისა, ადამიანის პირადი სივრცე ყოველთვის იყოს ხელშეუხებელი და არავინ გამოიყენოს ეს მორალური ტერორი," - განაცხადა მამუკა ბახტაძემ.
