საქართველოს პრემიერ-მინისტრის, მამუკა ბახტაძის თქმით, 1 აგვისტოდან ქუთაისის საერთაშორისო აეროპორტი ევროპის 6 ახალ მიმართულებას დაამატებს.
„ეკონომიკის და მდგრადი განვითარების სამინისტროს ძალისხმევით, ქუთაისის საერთაშორისო აეროპორტს 1 აგვისტოდან 6 ახალი ევროპული მიმართულება დაემატება. ამ შეთანხმების შედეგად ჩვენ დამატებით მივიღებთ ეკონომიკაში 100 მილიონი დოლარის ინვესტიციას და რამდენიმე ათეულ ახალ სამუშაო ადგილს“, - განაცხადა მამუკა ბახტაძემ.
ავიაკომპანია Wizz Air 1 აგვისტოდან შემდეგი მიმართულებით დაიწყებს ოპერირებას:
ეინდჰოვენი (ნიდერლანდები), ტალინი (ესტონეთი), ბრიუსელი (ბელგია), კოპენჰაგენი (დანია), ბაზელი (შვეიცარია) და ბარი (იტალია).