გიორგი მამალაძის ოჯახის წევრები და მხარდამჭერები საპატრიარქოს წინ აქციას მართავენ. საპატრიარქოსთან შეკრებილები მამალაძის პატიმრობას აპროტესტებენ, დღეს ასევე მათ ე.წ. „ციანიდის საქმეზე“ მსჯავრდებულის ზიარება მოითხოვეს. აქციის მონაწილეებმა ცოტა ხნის წინ საპატრიარქოსთან კარვებიც გაშალეს. გიორგი მამალაძის ძმა თორნიკე მამალაძე „ლიბერალთან“ ჰყვება, რომ მის ზმას გულის პრობლემები აქვს და მძიმე სულიერ მდგომარეობას ჯანმრთელობის გაუარესებაც დაერთო.
„უკვე ორი წელი სრულდება, რაც ჩემი ძმა უკანონო პატიმრობაში იმყოფება. ეს პატიმრობა მოაწყო საპატრიარქომ, მთავრობის მეშვეობით. მისი ჯანმრთელობის მდგომარეობა არის საგრძნობლად გაუარესებული, აქედან გამომდინარე, ვითხოვთ მის ზიარებას საკურნებლად სულისა და ხორცისა.
ის არის საპატრიარქოს მეშვეობით დაპატიმრებული და ამიტომ კეთილი უნდა ინებონ და თავიანთი შეცდომა გამოასწორონ“, - უთხრა „ლიბერალს“ თორნიკე მამალაძემ.
