98 მომხრე, 4 წინაარმდეგი - პარლამენტის იურიდიულ საკითხთა კომიტეტის თავმჯდომარის თანამდებობაზე ანრი ოხანაშვილი აირჩიეს. კენჭისყრის დროს დარბაზში კომიტეტის ყოფილი თავმჯდომარე ეკა ბესელია არ იმყოფებოდა. იგი ოხანაშვილის კანდიდატურას მხარს არ უჭერდა.
კომიტეტის თავმჯდომარის თანამდებობა ეკა ბესელიამ 27 დეკემბერს დატოვა. ასევე გადადგა პირველი მოადგილე ვანო ზარდიაშვილი.
როგორც ბესელიამ გადადგომისას განაცხადა, მას თანამდებობის დატოვება ვანო ზარდიაშვილის გადადგომამდე არ სურდა, რადგან, როგორც პირველ მოადგილეს, მას მოუწევდა, თავმჯდომარის მოვალეობის შესრულება.
მოგვიანებით ბესელიას წარდგინებით კომიტეტმა თავმჯდომარის პირველ მოადგილედ გედევან ფოფხაძე აირჩია, რასაც „ქართული ოცნების" წევრთა ნაწილის პროტესტი მოჰყვა. შედეგად, ფრაქციის სხდომაზე მიღებული გადაწყვეტილებით, ფოფხაძე პირველი მოადგილის თანამდებობიდან გაიწვიეს.
14 იანვარს კი კომიტეტის თავმჯდომარის მოვალეობის შემსრულებლად დავით მათიკაშვილი აირჩიეს.
