თბილისის სააპელაციო სასამართლოს მოსამართლე ლევან მურისიძეს იუსტიციის უმაღლესი საბჭოს ერთ-ერთმა წევრმა 15-ქულიან შეფასებაში 20 ქულა დაუწერა.
ლევან მურუსიძის საქმიანობის შეფასების დოკუმენტს ახალგაზრდა იურისტთა ასოციაციის ხელმძღვანელი სულხან სალაძე ავრცელებს.
იუსტიციის უმაღლესი საბჭო ლევან მურუსიძისთვის გასაუბრების დროს ქულათა მაქსიმუმზე მეტი შეფასების დაწერას მექანიკურ შეცდომას უწოდებს.
„მოცემულ შემთხვევაში იუსტიციის უმაღლესი საბჭოს წევრმა მოსამართლე ლევან მურუსიძე 98 ქულით შეაფასა. ზეპირი კომუნიკაციის უნარში მინიჭებული 20 ქულა არის მექანიკური შეცდომა, ვინაიდან შეფასების საბოლოო ქულათა ჯამი 100-ს არ აღემატება. აღნიშნული მექანიკური შეცდომა საბოლოო ქულათა ჯამზე არ ასახულა", - ნათქვამია იუსტიციის უმაღლესი საბჭოს მიერ გავრცელებულ ინფორმაციაში.
