პროკურატურამ ზუგდიდის მე-6 საჯარო სკოლაში ჩატარებულ ინსპექტირებასთან დაკავშირებით გამოძიება უფლებამოსილების შესაძლო ბოროტად გამოყენების ფაქტზე დაიწყო. გარდაცვლილი სკოლის დირექტორის, ია კერზაიას შვილი, ბაჩანა შენგელია, განათლების მინისტრის დაკითხვას მოითხოვს. 

სკოლის ინსპექტირებაზე, რომლის დირექტორიც ია კერზაია იყო, პროკურატურამ გამოძიება დაიწყო

„მთავარია, რომ დაწყება დაწყებისთვის არ იყოს. უნდა გატარდეს აუცილებლად სასწრაფო-საგამოძიებო მოქმედებები, პირველ რიგში უნდა დაიკითხოს განათლების მინისტრი, აუდიტის სამსახურის თანამშრომლები და ყველა ის პირები, ვისაც მიგვაჩნია, რომ წვლილი მიუძღვის ამ დანაშაულის ჩადენაში,“ - ამბობს ბაჩანა შენგელია.

როგორც განათლების მინისტრმა გუშინ განაცხადა, მნიშვნელოვანია, რომ გამოძიება დაიწყო. ბაჩანა შენგელია კი ამბობს, რომ განათლების სამინისტრო კი არ უნდა ესალმებოდეს პროკურატურის მიერ გამოძიების დაწყებას, არამედ უნდა რცხვენოდეს, რომ თავად შიდა მოკვლევაც არ დაიწყეს.

.............

ია კერზაია ზუგდიდის მე-6 საჯარო სკოლის დირექტორი იყო წლების განმავლობაში. ინსულტის შემდეგ ის ქუთაისის ინტერვენციული მედიცინის ცენტრის რეანიმაციაში იყო მოთავსებული და 9 დეკემბერს გარდაიცვალა. 

ია კერზაიას შვილი ბაჩანა შენგელია აცხადებდა, რომ მისი დედის ჯანმრთელობის მდგომარეობა მას შემდეგ გაუარესდა, რაც არჩევნების პირველი ტურის შემდეგ განათლების სამინისტრომ მე-6 სკოლაში ინსპექტირების ჩატარება გადაწყვიტა.

რის გამო მიიჩნია სამინისტრომ ია კერზაიას გათავისუფლება მიზანშეწონილად - ინსპექტირების დასკვნა