პარლამენტის დარგობრივი ეკონომიკისა და ეკონომიკური პოლიტიკის კომიტეტმა ოპოზიციას „თიბისი ბანკის“ საკითხზე ეროვნული ბანკის პრეზიდნეტ კობა გვენეტაძესთან „თიბისი ბანკის“ საკითხზე შეკითხვების დასმის საშუალება არ მისცა.
როგორც კომიტეტის თავმჯდომარემ განმარტა, აღნიშნულ საკითხზე შეკითხვებს, კობა გვენეტაძე, როგორც თავად განაცხადა, ბანკის ინტერესებიდან გამომდინარე, პასუხს ვერ გასცემს. „ნახევრად გაცემულ პასუხებს აზრი არ აქვს", - აცხადებდა რომან კაკულია.
ოპოზიციამ პროტესტი გამოთქვა და განაცხადა, რომ პროკურატურამ და ეროვნულმა ბანკმა ისედაც გაასაჯაროვა ყველაფერი „თიბისი ბანკის“ შესახებ და მათმა ქმედებამ ბანკი უკვე აზარალა, რადგან 200 მილიონი დოლარის ზარალი უკვე მიიღო.
კომიტეტის სხდომაზე შემდეგი საკითხი თავად მამუკა ხაზარაძისა და ბადრი ჯაფარიძის მოსმენა იყო, თუმცა სხდომის წამყვანმა რომან კაკულიამ სხდომა შეწყვიტა.
სხდომიდან გამოსულმა მამუკა ხაზარაძემ განაცხადა, რომ მას სიტყვით გამოსვლის საშუალება არ მისცეს.
ოპოზიციის შეფასებით, რომან კაკულიამ ბიძინა ივანიშვილის მითითებით მიიღო აღნიშნული გადაწყვეტილება.
