ყაზტრანსგაზის ინფორმაციით, დავით გურამიშვილის გამზირის 50 ნომერთან სამშენებლო კომპანია „დინ გრუპის“ მიერ მიწის გათხრითი სამუშაოების წარმოებისას დაზიანდა გაზსადენი. შედეგად თბილისის ამ რაიონში გაზის მიწოდება 9000-მდე აბონენტს ავარიულად შეუწყდა.
კომპანია „ყაზტრანსგაზ-თბილისი“ ბოდიშს უხდის აბონენტებს კომპანიისგან დამოუკიდებელი მიზეზებით შექმნილი დისკომფორტის გამო. კომპანიის ინფორმაციით, ადგილზე მობილიზებულია სპეციალური ბრიგადები.
„აბონენტებისთვის ბუნებრივი გაზის მიწოდების აღდგენის პროცესი ხვალ დილიდან დაიწყება. გთხოვთ, არ დატოვოთ უყურადღებოდ გაზის დანადგარები. ონკანები იქონიეთ დაკეტილ მდგომარეობაში," - ამბობენ კომპანიაში.