მთავარი პროკურატურა ეროვნული ბანკის ყოფილ პრეზიდენტს გიორგი ქადაგიძეს გამოკითხვაზე იბარებს. ინფორმაცია „ლიბერალს“ უწყებაში დაუდასტურეს. გიორგი ქადაგიძეს „თიბისი ბანკის“ საქმესთან დაკავშირებით გამოკითხავენ. როგორც „ლიბერალს“ პროკურატურაში უთხრეს, ქადაგიძემ მთავარ პროკურატურაში მისვლაზე უარი თქვა. პროკურატურა სასამართლოს მიმართავს და ეროვნული ბანკის ყოფილ პრეზიდენტს გამოკითხვაზე მოსამართლის წინაშე საქალაქო სასამართლოში დაიბარებენ.
