გარემოს დაცვისა და სოფლის მეურნეობის მინისტრმა, ლევან დავითაშვილმა პარლამენტში სიტყვით გამოსვლისას განაცხადა, რომ ახალი „ტყის კოდექსით“ ხე-ტყის დამზადების გრძელვადიანი ლიცენზიები სრულად უქმდება.
მინისტრის განმარტებით, სატყეო სექტორის მასშტაბური რეფორმა დაიწყო, შემუშავდა „ტყის კოდექსის“ კანონპროექტი, რომლის მიხედვითაც უქმდება ხე-ტყის დამზადების გრძელვადიანი ლიცენზიები. მისივე თქმით, ნაცვლად ამისა, შემოდის „მდგრადი სატყეო მეურნეობის მართვის“ მოდელი. აღნიშნული კანონპროექტის განხილვა საგაზაფხულო სესიაზეა დაგეგმილი.
