იუსტიციის მინისტრის პირველი მოადგილე მიხეილ სარჯველაძე თეა წულუკიანის შესაძლო გადადგომის შესახებ ინფორმაციას არ ადასტურებს.
საზოგადოებრივი მაუწყებლის ინფორმაციით, სარჯველაძემ განაცხადა, რომ თეა წულუკიანთან ბოლო კომუნიკაცია გუშინ ჰქონდა და გადადგომაზე მათ არ უსაუბრიათ.
„ამ ინფორმაციას ნამდვილად ვერ დაგიდასტურებთ. რომ დაგიდასტუროთ, ამისთვის არავითარი საფუძველი არ გვაქვს. გუშინ, კვირა დღის მიუხედავად, მიმდინარე საქმეებთან დაკავშირებით ჩვენ აქტიური კომუნიკაცია გვქონდა. ეს რამდენიმე ნორმატიული აქტის პროექტი იყო, რომელთან დაკავშირებითაც მოსაზრებები გავცვალეთ. სხვა მსგავს თემაზე საუბარი არ გვქონია“, – განაცხადა მიხეილ სარჯველაძემ.
