საქართველოს ეროვნული ნაკრების წევრი მძლეოსნობაში, გიორგი მუჯარიძე ევროპის თასის გამარჯვებულია - ამის შესახებ ინფორმაციას განათლების, მეცნიერების, კულტურისა და სპორტის სამინისტრო ავრცელებს.
„გიორგი მუჯარიძემ, სლოვაკეთის ქალაქ შამორინში გამართულ საერთაშორისო ტურნირზე - ევროპის თასზე ტყორცნებში 23-წლამდელთა შორის, საუკეთესო შედეგი 20.27 მეტრი დააფიქსირა, ჩემპიონატის რეკორდი დაამყარა და 15 მონაწილეს შორის პირველი ადგილი დაიკავა. მუჯარიძე პირველი მძლეოსანია, ვინც დამოუკიდებელი საქართველოს სახელით ამ რანგის შეჯიბრებაში ოქროს მედალი მოიპოვა" - ნათქვამია სამინისტროს განცხადებაში.
