მალიში შეიარაღებულმა პირებმა, რომლებიც სავარაუდოდ მონადირის ტრადიციულ ფორმაში იყვნენ გამოწყობლი, 134 ადამიანი, მათ შორის ქალები და ბავშვები დახოცეს. გაეროს ინფორმაციით, თავდასხმის შედეგად, რომელიც მოპტის რეგიონში მოხდა, კიდევ 55 მოქალაქე დაშავდა.

გაეროში აცხადებენ, რომ რეგიონში მცხოვრები ეთნიკური ფულანები სამიზნე ხშირად ხდებიან. მათ ჯიჰადისტურ ორგანიზაციებთან კავშირში ხშირად ადანაშაულებენ.

მალის მთავრობის განცხადებით, იგი ყველა ზომას მიიღებს იმისთვის, რომ „ამ საშინელების ჩამდენი დამნაშავეები იპოვოს და კანონის შესაბამისად დასაჯოს".

კვირას მალის პრეზიდენტმა და მინისტრმა საბჭომ ე.წ. თავდაცვის ჯგუფის დაშლის შესახებ გამოაცხადა. თუმცა, მათ არ მიუთითებიათ, მიუძღვით თუ არა მათ წვლილი მომხდარ თავდასხმაში.

ჯგუფი, რომელიც დან ნა ამბასაგოს სახელით არის ცნობილი, ეთნიკური დოგანებისგან შედგება. გასულ წელს, Human Rights Watch დაჯგუფებას ეთნიკური ფულანების დევნაში ადანაშაულებდა.

ბოლო თვეების განმავლობაში მოპტის რეგიონში ძალადობრივი შემთხვევები გახშირდა.გასულ კვირას რამდენიმე ჯარისკაცი მოკლეს, სოფელზე თავდასხმას კი 10 საქოქალაქო პირი ემსხვერპლა თებერვალში.