არჩევნების თარიღის გამოცხადებიდან ორი კვირის განმავლობაში ინდოეთში პოლიციამ 80 მილიონი დოლარის ღირებულების ალკოჰოლი, ნარკოტიკები, ოქრო და სხვა საშუალებები ამოიღო, რომელიც, სავარაუდოდ, ამომრჩევლის მოსასყიდად იყო განკუთვნილი.

10-ან 25 მარტამდე სამართალდამცველებმა არაერთი სპეცოპერაცია მოაწყვეს. პოლიცია აჩერებს და ამოწმებს ავტომობილებს.

ინდოეთის საარჩევნო კომისიის ინფორმაციით, ამ ორი კვირის განმავლობაში 22 მილიონი დოლარი ნაღდი ფულის სახით ამოიღეს. ყველაზე მასშტაბური იყო სპეცოპერაცია სამხრეთ ინდოეთში, სადაც 8 მილიონამდე ნაღდი ფული ამოიღეს.

ამას გარდა, ნაპოვნია 13.5 მილიონის ალკოჰოლი და 20 მილიონამდე ღირებულების ნარკოტიკი. როგორც BBC წერს, ინდოეთში ამომრჩევლის მოსყიდვა მოუგვარებელი პრობლემაა. კანდიდატები და პარტიები ხშირად მიმართავენ ამ გზას. ფულთან, ალკოჰოლსა და ოქროსთან ერთად ხშირად საოჯაო ან კომპიუტერული ტექნიკაც კი გამოუყენებიათ ხმების მოსაპოვებლად.

ინდოეთში არჩევნები 11 აპრილს დაიწყება და 19 მაისამდე გაგრძელდება.