დღეს ჯანმრთელობისა და სოციალური დაცვის სამინისტროსა და გაფიცულ სოციალურ მუშაკებს შორის შეხვედრა გაიმართა. შეხვედრის დასრულების შემდეგ ჯანდაცვის მინისტრმა, დავით სერგეენკომ გაფიცულ თანამშრომლებთან შეთანხმების შესახებ განაცხადა.
ერთ-ერთი გაფიცული სოციალური მუშაკი მარიამ ბანძავა „ლიბერალთან“ ამბობს, რომ გაფიცვის შემდეგ დამსაქმებელთან დღეს პირველად ისაუბრეს. ჯანდაცვის მინისტრმა მათ შუალედური გეგმა გააცნო, რომლითაც სოცმუშაკთა პრობლემების ნაწილი უნდა მოგვარდეს.
მარიამ ბანძავას თქმით, საინიციატივო ჯგუფი გაფიცულ სოცმუშაკებს სამინისტროს გეგმას გააცნობს. ამის შემდეგ გადაწყვეტენ, შეწყდეს თუ არა პროტესტი. მანამდე კი სოციალური მუშაკები გაფიცვას განაგრძობენ.