ეგზითპოლის შედეგების მიხედვით, უკრაინის საპრეზიდენტო არჩევნებში კომიკოსმა, უკრაინაში პოპულარულმა მსახიობმა ვოლოდიმირ ზელენსკიმ ხმების  30.4% მიიღო.

ხოლო პეტრო პოროშენკომ 17.8%.  იულია  ტიმოშენკომ ხმების 14.2% მიიღო.  ინფორმაციას BBC  ავრცელებს. 21 აპრილს საპრეზიდენტო არჩევნების მეორე ტური გაიმართება.  

დღეს, 31 მარტს უკრაინაში საპრეზიდენტო არჩევნები გაიმართა. არჩევნებში 39 კანდიდატი იყო დარეგისტრირებული.

„მე ძალიან ბედნიერი ვარ ამ შედეგით“,-განუცხადა ვოლოდიმირ ზელენსკიმ BBC-ის. ხოლო, პოროშენკომ ეგზითპოლის შედეგების შემდეგ განაცხადა, რომ ეს არის მისთვის „მკაცრი გაკვეთილი“. 

საზოგადოებრივი კვლევის შედეგების მიხედვით ლიდერობდნენ ვოლოდომირ ზელენსკი, იულია ტიმოშენკო და პეტრო პოროშენკო. 

__________

ჩასწორება: თავდაპირველად მასალა გამოქვეყნდა სათაურით: „უკრაინის საპრეზიდენტო არჩევნებში კომიკოსმა  ვოლოდიმირ ზელენსკიმ გაიმარჯვა“.  სათაური ჩასწორდა ინფორმაციის განახლების გამო.