პრემიერი მამუკა ბახტაძე საქართველოს პრეზიდენტს რამდენიმე ელჩის თანამდებობიდან გათავისუფლების წინადადებით მიმართავს.
მთავრობის განკარგულებებში, რომელიც 5 აპრილით თარიღდება, პრემიერი პრეზიდენტს მიმართავს თანამდებობიდან გათავისუფლდნენ ესტონეთში, ისრაელში, მოლდოვასა და ქუვეითში საქართველოს საგანგებო და სრულუფლებიანი ელჩები.
განკარგულებების თანახმად, ესტონეთში საქართველოს ელჩი თეა ახვლედიანი თანამდებობიდან 2019 წლის ივნისიდან გათავისუფლდეს, ისრაელში საქართველოს ელჩი პაატა კალანდაძე 2019 წლის ივლისიდან, ქუვეითში საქართველოს ელჩი როლანდ ბერიძე ასევე 2019 წლის ივლისიდან, ხოლო მოლდოვაში საქართველოს საგანგებო და სრულუფლებიანი ელჩი მერაბ ანთაძე 2020 წლის იანვრიდან.
