სამხრეთ კორეაში 66-წლიანი აკრძალვის შემდეგ აბორტი შესაძლოა, ლაგალური გახდეს. სამხრეთ კორეის საკონსტიტუციო სასამართლოს გადაწყვეტილებით, აღნიშნული კანონი 2020 წლის ბოლოსთვის უნდა გადაიხედოს. 

კანონი, რომელიც აბორტს კრძალავს, 1953 წელს მიიღეს. კანონის მიხედვით, აბორტის შემთხვევაში ქალებს ან აჯარიმებენ, ან აპატიმრებენ. გამონაკლისია გაუპატიურება და ის შემთხვევა, როცა ქალის ჯანმრთელობას საფრთხე ემუქრება.

სამხრეთ კორეაში, ასევე, პატიმრობა ემუქრებათ ექიმებს, რომლებიც კანონს არ ემორჩილებიან. 

BBC-ის ცნობით, საზოგადოებრივი კვლევის შედეგების მიხედვით, მოსახლეობის 58% ეწინააღმდეგება აბორტის  აკრძალვის შესახებ კანონს. 

სამხრეთ კორეა განვითარებული ქვეყნების მცირე ნაწილს მიეკუთვნება, სადაც აბორტი კრიმინალიზებულია. 

ფოტო: GETTY IMAGES