სამების ახალგაზრდულ ცენტრში სასულიერო პირები, დეპუტატები და მეცნიერები შეიკრიბნენ. ისინი ბილწსიტყვაობის შეზღუდვას და რეგულაციების დაწესებას მოითხოვენ. განსაკუთრებით  პირდაპირ ეთერსა და სოციალურ ქსელებში. 

ცენტრში სასულიერო პირებისა და მეცნიერების შეკრება ტელეკომპანია „რუსთავი 2-მა“ გადაიღო. 

„საზოგადოებრივი საინფორმაციო საშუალებებით აგრესია, ძალადობა მკვიდრდება საზოგადოებაში. ჩვენ ვხედავთ პირდაპირ ეთერში ბილწსიტყვაობას, ცილისწამებას. ჩვენ ყველას კარგად გვახსოვს ისეთი ფილმები, როგორიც არის „ ნათლიმამა“, „კარლიტოს გზა“, „ შრამიანი სახე“, რომელმაც ეს საზოგადოება აქცია კრიმინალებად და რომანტიკული გახადა კრიმინალური ცხოვრება,“ - ამბობს ერთ-ერთი სასულიერო პირი.

თეოლოგმა გოგი ყიფიანმა ცენტრში სიტყვით გამოსვლისას თქვა, რომ კომისიამ არაერთხელ მიმართა პარლამენტს, ჩაეწერათ, რომ კონსტუტუცია იცავს საზოგადოებრივი მორალის სტანდარტებს, მაგრამ პარლამენტმა არ ჩაწერა.