„საერთო სასამართლოების შესახებ“ ორგანულ კანონში ცვლილების პროექტი პარლამენტმა 87 ხმით, 31-წინააღმდეგ მე-2 მოსმენით მიიღო.
კანონპროექტში ვენეციის კომისიის რამდენიმე რეკომენდაცია აისახა, რომლის გათვალისწინებით, უზენაესი სასამართლოს მოსამართლეობის კანდიდატთათვის საკვალიფიკაციო გამოცდის ჩაბარება სავალდებულო არ იქნება. აგრეთვე, კანონპროექტში მოხვდა ინტერესთა კონფლიქტის თემა: თუკი იუსტიციის უმაღლესი საბჭოს წევრი უზენაესი სასამართლოს მოსამართლეობის კანდიდატი იქნება, ის კანდიდატების შეფასების, კითხვის დასმის და ხმის მიცემის უფლებით პროცედურის ვერ ერთ ეტაპზე ვერ ისარგებლებს.
გარდა ამისა, ვენეციის კომისია რეკომენდაციას იძლევა, რომ უზენაეს სასამართლოში დასანიშნი მოსამართლეების ნახევარი 2020 წლის საპარლამენტო არჩევნების შემდეგ უნდა დაინიშნოს. რაც მმართველი პარტიის წევრთა განცხადებით, პოლიტიკური ხასიათის რეკომენდაციაა.
