საქართველოს პროფკავშირების გაერთიანებამ დღეს მეტროსადგურ „რუსთაველთან“ ფოტოექსპოზიცია გააკეთა. გამოფენილ ფოტოებზე მშენებლობებზე მათი ინსპექტირებისას აღმოჩენილი დარღვევები იყო აღბეჭდილი.
გაერთიანებული პროფკავშირების თავმჯდომარემ ირაკლი პეტრიაშვილმა ბრიფინგიც გამართა და შრომის უსაფრთხოების დარღვევებზე ისაუბრა.
„იმ დროს, როდესაც მხოლოდ აპრილის მონაცემებით, სამუშაო ადგილზე 10 გარდაცვლილი და 11 მძიმედ დაშავებულია, ქვეყანაში ყურადღება მაქსიმალურად უნდა იყოს კონცენტრირებული თანამოქალაქეების, ჩვენი ძმებისა და დების სიცოცხლის გადასარჩენად, ამ დროს პოლიტიკოსები გვთავაზობენ ათას სისულელეს და რეალური გამოწვევები, რომლებიც აქვს საზოგადოებას, აბსოლუტურად არაადეკვატურად აისახება ხელისუფლების დღის წესრიგში“, - განაცხადა პეტრიაშვილმა.
ირაკლი პეტრიაშვილმა საზოგადოებას მშრომელთა საერთაშორისო დღეს, 1 მაისს აქციაში მონაწილეობისკენაც მოუწოდა.
