ოჯახში ძალადობის ბრალდებით დაკავებული ძიუდოისტი თორნიკე ნაგლიაშვილი ბოლნისის რაიონულმა სასამართლომ წინასწარი პატიმრობიდან 5000-ლარიანი გირაოს სანაცვლოდ გაათავისუფლა. სასამართლო პროცესი 22 მარტს გაიმართა.
საქართველოს ძიუდოისტთა ეროვნული ნაკრების წევრი ოჯახში ძალადობისა და მუქარის ბრალდებით მარნეულში 5 მარტს დააკავეს.
შინაგან საქმეთა სამინისტროს ინფორმაციით, ნაგლიაშვილის მიმართ გამოძიება სისხლის სამართლის კოდექსის 11 პრიმა 151-ე მუხლით და 126-ე პრიმა მუხლით მიმდინარეობს, რაც ოჯახში დანაშაულს, მუქარას და ოჯახში ძალადობას გულისხმობს.
ნაგლიაშვილის დაკავების შესახებ ინფორმაცია თავდაპირველად საინფორმაციო სააგენტო „რეკორდერმა“ გაავრცელა. „რეკორდერის“ ინფორმაციით, ძიუდოისტს მეუღლის მიმართ შემაკავებელი ორდერი ჰქონდა გამოწერილი, რომელიც არაერთხელ დაარღვია. ხოლო მისი დაპატიმრება მუქარის შემცველ მესიჯებს მოჰყვა, რომელიც ქალმა პოლიციაში წარადგინა.
