საქართველოს პარლამენტმა „საერთო სასამართლოების შესახებ“ კანონპროექტი მესამე მოსმენით დაამტკიცა. უზენაესი სასამართლოს მოსამართლეების არჩევის წესთან დაკავშირებული საკანონმდებლო პაკეტი პლენარულ სხდომაზე ანრი ოხანაშვილმა წარადგინა, რის შემდეგაც ცვლილებებს კენჭი უყარეს.
კანონპროექტს მხარი 87-მა დეპუტატმა დაუჭირა, 33-მა კი წინააღმდეგ მისცა ხმა. საპარლამენტო უმრავლესობის მიერ მომზადებული ცვლილებებით, უზენაესი სასამართლოს მოსამართლეთა კანდიდატების შერჩევის კრიტერიუმები, მოსამართლეთა საკვალიფიკაციო მოთხოვნები და იუსტიციის უმაღლესი საბჭოს მიერ კანდიდატების შერჩევისა და მათი პარლამენტისთვის წარდგენის პროცედურა განისაზღვრა.
უმრავლესობის წარდგენილ კანონპროექტს ოპოზიცია, დამოუკიდებელი დეპუტატები და არასამთავრობო ორგანიზაციები აკრიტიკებდნენ. კანონპროექტზე შენიშვნები და რეკომენდაციები მისცა საქართველოს ვენეციის კომისიამაც.
