თბილისში, გურამიშვილის ქუჩაზე, სადაც კორპუსის სამშენებლო სამუშაოები მიმდინარეობს, მიწის მასა ჩამოიშალა.როგორც „ლიბერალს“ საგანგებო სიტუაციების მართვის სამსახურში განუცხადეს, მომხდარის შედეგად არავინ დაშავებულა.
ამ დროისთვის მერიის წარმომადგენლებს მიმდებარე ტერიტორიაზე არსებული საცხოვრებელი კორპუსებიდან 36 ოჯახი გაჰყავთ და თუკი საჭირო იქნება, გამგეობა უზრუნველყოფს მათ დაბინავებას. თბილისის მერიაში „ლიბერალს“ უთხრეს, რომ ადგილზე მერიის შესაბამისი სამსახურები ვითარებას სწავლობენ.
ამ დროისთვის ადგილზე კვლავ რჩებიან საპატრულო პოლიციისა და საგანგებო სიტუაციების მართვის სამსახურის თანამშრომლები.
