„წულუკიანს ყველაზე კარგად ესმის სტრასბურგის გადაწყვეტილების სავალდებულობა და მისი მნიშვნელობა. შესაბამისად, ის არის ახლა პასუხისმგებელი სტრასბურგის სასამართლოს წინაშე, რომ აღასრულოს მისი გადაწყვეტილება. ეს განცხადება იმას ნიშნავდა, რომ აღმასრულებელმა ხელისუფლებამ არ უნდა გააკეთოს რამე ისეთი, რაც საფრთხის ქვეშ დააყენებს სტრასბურგის გადაწყვეტილებას. ეს იყო გზავნილი, რომ იუსტიციის სამინისტრო არის პასუხისმგებელი გადაწყვეტილების შესრულებაზე და რომ ის ამას არ გააკეთებს.“ - ასე შეფასა „რუსთავი 2-ის“ იურისტმა, თამთა მურადაშვილმა „რუსთავი 2-თან“ დაკავშირებით თეა წულუკიანის განცხადება.
იუსტიციის მინისტრმა, თეა წულუკიანმა ჟურნალისტებთან „რუსთავი 2-ის“ საქმესთან დაკავშირებით ისაუბრა.
მისი თქმით, რაც უნდა უკმაყოფილო იყოს ერთ-ერთი მფლობელი, სხვა მფლობელებთან მიმართებაში და ჰქონდეს სამართლებრივი პრეტენზიები, სტრასბურგის სასამართლოს კომპანიის საქმეზე მიღებული აქვს ე.წ. შეჩერების გადაწყვეტილება, რომელიც ისევ ძალაშია.
წულუკიანის თქმით, ვერავითარი ცვლილება მენეჯემენტში ამ გადაწყვეტილების ფონზე ვერ გატარდება.