თბილისის საქალაქო სასამართლომ ანა ბაგრატიონ-გრუზინსკის სარჩელი ყოფილი მეუღლის, დავით ბაგრატიონ-მუხრანელის წინააღმდეგ ნაწილობრივ დააკმაყოფილა. ქონებრივი დავა სამ ავტომობილს ეხებოდა.
სასამართლოს გადაწყვეტილებით, ანა ბაგრატიონ-გრუზინსკი PORSCHE CAYENNE-სა და MERCEDES-BENZ GL 450-ის თანამესაკუთრედ გამოცხადდა. ხოლო იმის გამო, რომ დავით ბაგრატიონს MERCEDES-BENZ GL 450 გასხვისებული აქვს, მას ყოფილი ცოლისთვის 15 500 ლარის გადახდა დაეკისრა. PORSCHE-ს გამოყენება კი ყოფილ მეუღლეებს თანაბრად მოუწევთ.
რაც შეეხება მესამე მანქანას, ის დავით ბაგრატიონს დარჩა. „ავტომანქანა BMW X5-ზე მოსარჩელეს უარი ეთქვა სარჩელის დაკმაყოფილებაზე და ამ ნაწილში გაუქმდა სარჩელის უზრუნველყოფის სახით გამოყენებული ყადაღა“, - ნათქვამია სასამართლოს გადაწყვეტილებაში.
