„ლეიბორისტული პარტიის“ ლიდერი შალვა ნათელაშვილი როენა ხუცურაულის დაკავებას გამოეხმაურა. „სამთავრობო პროსტიტუციას მიხედეთ და ამ ქალს თავი დაანებეთ, არავისთვის ვნება მაინც არ მოაქვს თქვენგან განსხვავებით“, - წერს შალვა ნათელაშვილი Facebook-ზე.

როენა ხუცურაული მეტსახელად „მამიდა“ სამართალდამცველებმა პროსტიტუციის ხელშეწყობისა და პროსტიტუციისთვის ფართის გადაცემის ბრალდებით დღეს დააკავეს. ამავე ბრალდებით მასთან ერთად კიდევ 4 პირია დაკავებული.

„დაკავებულია: სასტუმრო „მამიდას“ მფლობელი, 1960 წელს დაბადებული რ. ხ. -მეტსახელად „მამიდა“, ამავე სასტუმროს მოიჯარე, 1972 წელს დაბადებული ზ. ქ. - მეტსახელად „სალომე“ და სასტუმრო „გოლდის“ მფლობელი, 1976 წელს დაბადებული ნ. დ. მათ მიერ ჩადენილი დანაშაული 2-დან 6 წლამდე ვადითთავისუფლების აღკვეთას ითვალისწინებს.

გამოძიება მიმდინარეობს პროსტიტუციის ხელშეწყობისა და წინასწარი შეთანხმებით ჯგუფის მიერ სასტუმროს ნომრების პროსტიტუციისთვის გადაცემის ფაქტებზე, საქართველოს სსკ-ის 254-ე მუხლის 1-ლი ნაწილით, ასევე, ამავე მუხლის მე-3 ნაწილის „ა“ და „გ“ ქვეპუნქტებით“, - ნათქვამია შინაგან საქმეთა სამინისტროს განცხადებაში.

დაკავებულია როენა ხუცურაული, მეტსახელად „მამიდა"