2018 წელს საქართველოში 389 ადამიანმა მოიკლა თავი, სიუციდის მცდელობა კი 477 ადამიანს ჰქონდა - ამის შესახებ სტატისტიკურ მონაცემებს შინაგან საქმეთა სამინისტრო ავრცელებს.

მათგან, ვინც თავი მოიკლა, 319 კაცი იყო, 70 კი - ქალი. სიუციდის მცდელობა 166 ქალს და 311 კაცს ჰქონდა.

სიუციდის 94 შემთხვევა თბილისში აღინიშნა, იმერეთში - 67, კახეთში - 49, აჭარაში - 22, გურიაში - 12, მცხეთა-მთიანეთში - 10; სამეგრელოში - 45; სამცხე-ჯავახეთში - 14; ქვემო ქართლში  - 41; შიდა ქართლში - 35;

უწყება აღნიშნავს, რომ სუიციდისა და სუიციდის მცდელობის შესახებ მონაცემები დამუშავებულია შსს ტერიტორიული დანაყოფების მიერ მოწოდებული ინფორმაციის საფუძველზე.

რაც შეეხება 2017 წელს, ამ წელს საქართველოში სუიციდისა და სუიციდის მცდელობის 630 ფაქტი დაფიქსირდა -  სუიციდის 365 და სუიციდის მცდელობის 265 შემთხვევა.