ზუგდიდის საარჩევნო ოლქში, N86 უბანზე პოლიციის დამატებითი ძალები მივიდნენ. „ლიბერალის“ კორესპონდენტის ცნობით, უმრავლესობა გადასატანი ყუთის საოლქო კომისიაში დათვლას მოითხოვდა. ოპოზიციის წარმომადგენლები კი ამბობდნენ, რომ გადასატანი ყუთის ხმები უბანზევე უნდა დაეთვალათ. ამას სიტყვიერი დაპირისპირება მოჰყვა და უბნის ტერიტორიაზე სამართალდამცველების ახალი ჯგუფი მივიდა.
ამ წუთებში საარჩევნო კომისიები საარჩევნო უბნებში ხმებს ითვლიან. 2019 წლის შუალედურ არჩევნებში ამ ოლქში ზუგდიდის მერობისთვის ორი წამყვანი კანდიდატი იბრძვის - „ქართული ოცნების“ კანდიდატი გეგა შენგელია და „გაერთიანებული ოპოზიციის“ კანდიდატი სანდრა რულოვსი.
