რუსული დროშების გამო, რომლებიც დღეს ბათუმის ქუჩებში საერთაშორისო ფესტივალის ფარგლებში, ქუჩის მსვლელობის დროს გამოჩნდა, აჭარის განათლების მინისტრი ინგა შამილიშვილი თანამდებობას დატოვებს. ამის შესახებ აჭარის საზოგადოებრივ მაუწყებელს თორნიკე რიჟვაძემ განუცხადა.
„ეს არის ჩემთვის სამწუხარო ფაქტი, პასუხისმგებლობის ნაწილს რაც შეეხება, ორგანიზატორი ამ შემთხვევაში განათლების სამინისტრო იყო, შესაბამისად თანამდებობიდან გათავისუფლებულია განათლების მინისტრი ინგა შამილიშვილი“ , - განაცხადა აჭარის მთავრობის თავმჯდომარემ.
რუსული დროშები, დღეს ბათუმის ქუჩებში საერთაშორისო ფესტივალის ფარგლებში, ქუჩის მსვლელობის დროს გამოჩნდა.
მანამდე განათლების მინისტრმა ინგა შამილიშვილმა, აჭარის საზოგადოებრივ მაუწყებელთან განაცხადა, რომ ეს ბავშვთა ფესტივალია და მას პოლიტიკასთან არანაირი კავშირი არ აქვს.
