სასამართლომ მორაგბე მერაბ კვრიკაშვილი უდანაშაულოდ ცნო. „პირველი არხის“ ცნობით, ქუთაისის საქალაქო სასამართლოს მოსამართლე მურთაზ კაპანაძემ განაჩენი რამდენიმე წუთის წინ გამოაცხადა.

მოსამართლის განცხადებით, კვირიკაშვილს გაუუქმდება გირაო 15 ათასი ლარის ფარგლებში და  ყადაღა მოეხსნება მის სახლს.

ასევე, მერაბ კვირიკაშვილს დაუბრუნდება ავტომანქანა „ბე-ემ-ვე“, რომელიც ავტოსადგომზე იყო.

კვირიკაშვილს ბრალი საქართველოს სისხლის სამართლის კოდექსის 276-ე მუხლის მე-7 ნაწილით წარუდგინეს, რაც ტრანსპორტის მოძრაობის ან ექსპლუატაციის წესების დარღვევას გულისხმობს, რამაც გამოიწვია ორი ან მეტი ადამიანის სიცოცხლის მოსპობა (დანაშაული ითვალისწინებს 10-წლამდე თავისუფლების აღკვეთას).