ქუთაისის მერი გიორგი ჭიღვარია ქუთაისის საკრებულოს წევრის, ნანა კოსტავას მიერ Facebook-ზე დაწერილ პოსტს ეხმაურება. ჭიღვარიას თქმით, ის და მისი გუნდი გმობს პოსტში გამოხატულ დამოკიდებულებას.
„პირველ რიგში, ვიზიარებ ოჯახის დიდ ტკივილს. რაც შეეხება საკრებულოს წევრის პოსტს, მე პირადად და ასევე ჩვენი გუნდი ვგმობთ და ვემიჯნებით ამ დამოკიდებულებას, რომელიც აბსოლუტურად მიუღებელია“, - აცხადებს ქუთაისის მერი.
„კაი დღეში ხარ ახლა, იცინე!” – ასეთი წარწერით გააზიარა 28 მაისს ნანა კოსტავამ ბლოგერის სალომე ბარკერის ერთ-ერთი ვიდეოშარჟი. კოსტავამ მოგვიანებით პოსტი წაშალა.
27 მაისს ცნობილი გახდა, რომ სალომე ბარკერის 16 წლის და ლაგოდეხის ნაკრძალში დაიღუპა.
მოგვიანებით, კოსტავამ ბოდიში მოიხადა და განაცხადა, რომ მან არ იცოდა სალომე ბარკერის დის გარდაცვალების შესახებ და ეს პოსტი ამ შემთხვევას არ უკავშირდებოდა.
