Reuters-ის ინფორმაციით, ჩრდილო კორეის ლიდერმა, კიმ ჩენ ინმა თავისი დიპლომატები სიკვდილით დასაჯა.

გავრცელებული ინფორმაციით, სასიკვდილო განაჩენი მარტში ჩრდილო კორეის სახელმწიფო საბჭოს სპეცწარმომადგენელს გამოუტანეს, რომელიც კიმ ჩენ ინს აშშ-ის საკითხებზე ჰყავდა დანიშნული.

კიმ ჰიოკ ჩოლთან ერთად ფხენიანში სიკვდილით დასაჯეს საგარეო საქმეთა სამინისტროს კიდევ 4 თანამშრომელი. დასჯის მიზეზი გახდა ის, რომ მათ აშშ-სა და ჩრდილო კორეის მოლაპარაკებების დროს ვიეტნამში ამერიკელებთან შეთანხმების მიღწევა ვერ შეძლეს. 

Reuters წერს, რომ მათ დამოუკიდებლად ვერ შეძლეს ამ ინფორმაციის დადასტურება. სამხრეთ კორეული მედიაგამოცემა Chosun Ilbo კი ინფორმაციას ანონიმურ წყაროზე დაყრდნობით ავრცელებს.

Reuters-ის წყაროს ინფორმაციით ისე ჩანს, რომ დიპლომატები მართლაც დასაჯეს. თუმცა მისთვის უცნობია, მათ სასიკვდილო განაჩენი გამოუტანეს თუ შრომით ბანაკში გაგზავნეს.