ორბელიანის მოედნის გახსნის ღონისძიებას თბილისის მერი კახა კალაძე, საქართველოს პრეზიდენტი სალომე ზურაბიშვილი, პრემიერ-მინისტრი მამუკა ბახტაძე, პარლამენტის თავმჯდომარე ირაკლი კობახიძე და საკრებულოს თავმჯდომარე გიორგი ტყემალაძე დაესწრნენ.
„ვინმე თუ იკითხავს, რატომ გადმოვედი ორბელიანის სასახლეში, მიდით, ნახეთ ეს უბანი როგორი არის და თუ არ უნდა იყოს პრეზიდენტის უბანი და თქვენი უბანი?! - ამის შესახებ საქართველოს პრეზიდენტმა სალომე ზურაბიშვილმა ორბელიანის მოედნის გახსნის საზეიმო ღონისძიებაზე განაცხადა.
მისი თქმით, დღევანდელი დღე არის თბილისის მერისა და მისი გუნდის დამსახურება.
„გპირდებით, რომ ცენტრალური ბიუჯეტიდან მომავალ წლებშიც კიდევ უფრო მეტი მხარდაჭერა ექნება იმას, რომ ასე ნაბიჯ-ნაბიჯ შევძლოთ ჩვენი ულამაზესი დედაქალაქის ყველა უბნის რეაბილიტაცია ისე, რომ მან შეინარჩუნოს პირვანდელი იერსახე“, - განაცხადა პრემიერმა მამუკა ბახტაძემ.
სარეაბილიტაციო არეალი მშრალი ხიდიდან ათონელისა და ფხოვის ქუჩების გავლით, ალექსანდრე პუშკინის ქუჩამდე მონაკვეთს მოიცავს, მათ შორის, ხაზინისა და ფურცელაძის ქუჩებს, ასევე, გრიგოლ ორბელიანისა და 9 აპრილის სახელობის ბაღების ნაწილს. აღნიშნული მონაკვეთი მუშთაიდის პარკიდან დავით აღმაშენებლის რეაბილიტირებული გამზირის გავლით, თავისუფლების მოედნისკენ დიდი ტურისტული მარშრუტის გაგრძელებაა.
ამავე თემაზე:
