სახალხო დამცველი ნინო ლომჯარია მიხეილ კალანდიას დაკავების შეფასებისას აცხადებს, რომ ძალიან ბევრი კითხვა უპასუხოდ დარჩა, რადგან რიგი საგამოძიებო ქმედებები არ ჩატარებულა.
„ვფიქრობ, დღის წესრიგში უნდა დადგეს სამოხელეო დანაშაულის მიმართულებით გამოძიების წარმართვა“.
მისი თქმით, სასამართლოს ამ გადაწყვეტილებით, გამოძიებამ აღიარა დაშვებული შეცდომები.
„სააპელაციო სასამართლოს გადაწყვეტილებამ და დღევანდელმა დაკავებამ ცხადყო, რომ გამოძიება აღიარებს, რომ თავდაპირველად ნამდვილად იყო დაშვებული შეცდომები და ბრალი არასწორად იყო წარდგენილი. ჩვენ ამაზე ჯერ კიდევ ერთი წლის წინ ვსაუბრობდით, როდესაც საქმის მასალებს გავეცანით.
სამწუხაროა, რომ პროკურატურა, მხოლოდ შიდა მოკვლევას აწარმოებს ამ საქმეზე, რაც ნამდვილად არ არის ეფექტიანი და ადეკვატური პასუხი იმ პროცესებზე, რაც მოხდა. მნიშვნელოვანია, რომ დაიწყოს გამოძიება, ვინაიდან ეს განვითარებული მოვლენები უკვე არის დადასტურება და აღიარება იმისა, რომ გამოძიება იყო არაეფექტიანი და, სულ მცირე, ადგილი ჰქონდა სამსახურებრივ გულგრილობას ან მიზანმიმართულ გადაწყვეტილებებს“,- განაცხადა ლომჯარიამ.
დღეს დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით დააკავეს მიხეილ კალანდია.
მოსამართლე: სარალიძის განზრახ მკვლელობა ჩაიდინა გ.ჯ.-მ, დაუდგენელ პირებთან ერთად
