რუსეთში მედიაგამოცემა „მედუზას“ დაკავებული ჟურნალისტის ივან გოლუნოვის წინააღმდეგ სისხლისსამართლებრივი დევნა შეწყდა. „მედუზას“ ინფორმაციით, რუსეთის შინაგან საქმეთა სამინისტრომ საქმე არასაკმარისი მტკიცებულებების გამო შეწყვიტა.
ჟურნალისტს, რომელსაც დიდი ოდენობით ნარკოტიკული საშუალების გასაღების მცდელობაში ედებოდა ბრალი შინაპატიმრობიდან დღის ბოლომდე გაათავისუფლებენ.
როგორც „მედუზა“ წერს, პოლიციელები და განყოფილების ხელმძღვანელი, რომლებმაც გულონოვი დააკავეს საქმეს ჩამოაშორეს. მათ მიმართ მოკვლევა დაიწყო.
„მედუზას“ გამომძიებელი ჟურნალისტი მოსკოვში 6 ივნისს დააკავეს. ივან გოლუნოვს დიდი ოდენობით ნარკოტიკული საშუალების გასაღებას ედავებიან, რასაც ჟურნალისტი უარყოფს. კოლეგები და სამოქალაქო აქტივისტები გოლუნოვის დაკავებას მის საქმიანობას უკავშირებენ. გოლუნოვის მხარდამჭერებმა მისი დაკავების შემდეგ საპროტესტო აქციებიც დაიწყეს.
